Ish spiuni i dyfishtë rus i cili ka mbetur në prag të vdekjes pas sulmit me agjentë nervorë, i kishte shkruar presidentit Vladimir Putin ku i kishte kërkuar ta falte dhe lejonte të vizitonte vendlindjen e tij, thotë miku i tij.

Vladimir Timoshkov, një mik i Sergei Skripal, tha se i vjen keq që kishte spiunuar për britanikët dhe donte të kthehej në Rusi për të vizituar familjen e tij, transmeton portali arbresh.info.

Në vitin 2006, koloneli Skripal u burgos nga Rusia për shitjen e sekreteve tek MI6 dhe erdhi në Britani më 2010 si pjesë e një shkëmbimi spiunësh, duke e ngritur një shtëpi në Salisbury.

Të premten, krerët e BE premtuan një përgjigje diplomatike “të pashembullt” për sulmin pas mbështetjes së pohimit të Theresa May se Moska ishte përgjegjëse.

Sipas z. Timoshkov, i cili thotë se e kishte njohur atë që nga shkolla, Col Skripal, 66 vjeç, nuk e shihte veten si një tradhtar, pasi ai i ishte betuar ish Bashkimit Sovjetik.

“Shumë njerëz e shmangën atë, shokët e klasës e ndjenin se ai kishte tradhtuar atdheun,” i tha ai BBC. “Më thirri në vitin 2012. Folëm për gjysmë ore, më thirri nga Londra.

“Ai mohoi se ishte tradhtar … (ai më tha) ai i shkroi Vladimir Putinit duke kërkuar të falet plotësisht dhe të lejohej të vizitonte Rusinë. Nëna, vëllai dhe të afërmit e tjerë ishin (në Rusi)”./Arbresh.info/